Horas de estudo, moitas máis de traballo e atención constante para aprender en todo momento, especialmente cando falan os que máis saben. Esas son, como xa sabes, algunhas das claves fundamentais para mellorar como artistas e creativos. Por iso hoxe queremos compartir contigo algunhas citas célebres de famosos deseñadores, varios deles entre os máis influentes do seu tempo. Se coñeces outras, podes compartilas coa comunidade na zona de comentarios.

Hai tres respostas posibles ante unha peza de deseño: si, non e… WOW!
WOW é a resposta que un deseñador procura.

Milton Glaser

Glaser resalta a importancia de sermos creativos e sorprender cos nosos deseños. Sen dúbida, el conseguiuno durante a súa carreira, por exemplo co mítico logotipo I Love New York, creado nos anos 70 e aínda vixente.
.

É cos erros como realmente creces.
Precisas ser malo para poder facerte bo.
Paula Scher

Para Scher, errar non é un problema, sempre e cando sexamos quen de extraer ensinanzas das nosas equivocacións. Do seu traballo quedan máis ben os acertos e as grandes obras, como as que fixo para CBS Records.
.

O fracaso está dentro da creatividade…
O acto creativo implica elementos de novidade e experimentación, polo que hai que esperar e asumir a posibilidade de fracasar.
Saul Bass

Moi en liña coa cita anterior, Bass aléntanos a probar cousas novas, sen medo a que algunha vez as nosas ideas non sexan tan boas como esperabamos nun principio. Se queres coñecer a vida e obra deste referente americano, podes facelo aquí.
.

O público está máis familiarizado co mal deseño que co bo deseño.
En efecto, está condicionado para preferir o mal deseño, porque é co que vive. O novo ameaza, o vello reafirma.
Paul Rand

Pode que o enfoque de Rand sexa excesivamente pesimista, pero cómpre ter en conta que o público non sempre está preparado para valorar todo o proceso creativo do deseño. Neste web podes atopar unha gran cantidade de material seu.
.

Practica o deseño seguro.
Usa un concepto.
Petrula Vrontikis

Se prefieres apostar polo práctico e ter sempre as cousas claras, podes seguir os consellos de Vrontikis. No ano 2007, esta deseñadora foi destacada polo American Institute of Graphic Arts.
.

Esfórzome por dúas cousas no deseño: simplicidade e claridade.
O gran deseño nace desas dúas cousas.
Lindon Leader

Quen ten as cousas moi claras é Leader, que considera que o camiño do triunfo está no máis facilmente comprensible. Por suposto, isto tamén require moito esforzo, como poderás comprobar se examinas os seus traballos para grandes marcas.
.

Os detalles non son os detalles.
Os detalles fan o deseño.

Charles Eames

As palabras de Eames parecen completar as de Leader no parágrafo anterior. Ser claros implica traballar sen descanso nas pequenas cousas, nos detalles; non deixar nada en mans do azar. Exemplo desta convicción é a súa obra de deseño gráfico.
.